Joseba Sarrionandia idazlea eta Ines Osinaga abeslaria institutuan izan dira 2. Batxilergoko ikasleekin. Aski ezagunak dira bien ibilbide profesional: Sarrionandia euskal literaturako idazle ezagunenenetakoa dugu, liburu entzutetsuak idatzi ditu (Kartzelako poemak, Lagun izoztua, Kolosala izango da edota Moroak gara behelainoan, besteak beste) eta genero guztiak landu ditu (poesia, narrazioak, saiakera, eleberriak, haur eta gazte literatura eta itzulpenak); Osinagak, aldiz, 17 urteko eta 7 diskoko ibilbidea du Gose taldearekin. 

Bien bideek bat egin zuten 2014an, Gose taldeak Sarrionandiaren dozena bat poema musikatu zituenean, Iurretako idazle oparoak Habanan idatzitakoak denak. Orain, Euskal Herrira bueltan, idazleak berak poemen inguruko argibideak eman dizkigu eta Inesen ahotsean abestiak entzun ahal izan ditugu. Benetako gozada bat izan da gure belarrietarako goi mailako literatura Inesen ahots goxoan entzutea.