Euskara bultzatzeko Eusko Jaurlaritzaren Hezkuntza, Unibertsitate eta Ikerketa saileko programa bat da. Programa honen helburua euskararen erabilera hedatzea da. Honako lau xede hauek jorratuz:

• Hiztun kopurua haztea. Erabileraren maiztasuna handitzea.
• Erabilera eremu eta funtzio anitzetara hedatzea.
• Euskararen presentzia areagotzen lagunduko duten erabilera- arau adostuak indarrean jartzea.

400 bat Ikastetxek: etapa guztietakoak, publikoak zein pribatuak, handiak eta txikiak, Gipuzkoakoak , Bizkaikoak eta Arabakoak. Bertan egoteko aukera egin dutenak. Baita geu ere!

Eragile guztion artean euskararen erabilera sustatzeko proiektu bat adostu dugu.

Horretarako, ikastetxearen egoera aztertu dugu, eta lau urtetarako proiektu orokorra zehaztu dugu. Eremuz eremu eta esparruz esparru:

• Eremu instituzioanala
• Ikasleak
• Irakasleak
• Gurasoak eta Langile ez irakasleak
• Eskolaz kanpoko jarduerak

Ulibarri programak helburu ezberdineko mintegiak eskaintzen ditu:

• Ikastetxeen artean lankidetza eta koordinazioa bultzatzeko.
• Hizkuntza Normalkuntza Arduradunen prestakuntzan sakontzeko.
• Ekimen bateratuak antolatzeko.

• Hizkuntzarekiko jarrerak transmititu egiten direla jakin behar duzue
• Euskara ez da bakarrik eskolako hizkuntza.
• Euskara dakitenekin euskaraz hitz egitera animatu zuen seme- alabak.
• Eman seme- alabei euskaraz hitz egiteko aukera eskolaz kanpo.
• Euskaraz ez badakigu ere, euskara ikastearen alde gaudela erakutsi seme-alabei.