Bigarren Hezkuntzako nerabeentzako egitaraua da, goiz osokoa. Eskola-orduetan aritzen gara, baina eskolatik kanpo. Gazteak Euskarazko Kultura Digitalera hurbiltzeko erakusleiho bat da hau!

Egun euskaraz eskura ditugun sorkuntza eta baliabide digitalak ezagutzeko gonbidapena luzatzen die XAREk gazteei. Gurea etorkizuneko hizkuntza bizia izan dadin; Informazioaren eta Komunikazioaren Teknologiek (IKT) gure hizkuntza hitz egin dezaten; eta gure gazteak etorkizuneko lanabes digital berrien garatzaile eta eduki sortzaileak izan daitezen.

Hain justu, euskal ekosistema digitala elikatzen diharduten profesionalek gidatzen dituzte XARE programaren jarduera guztiak: ERAGIN komunikazioa, TALAIOS kooperatiba, ELURMALUTA proiektu artistikoak, GISA software librearen aldeko elkartea, EMAIZE sexologia zentroa, CODESYNTAX, PROTOMAKERS club, KATUBI ikus-entzunezkoak, GAME ERAUNTSIA euskarazko bideojokozaleak eta Dj MAKALA, besteak beste.