Horrek saioez gain, ere 400 zuzeneko saio baino gehiago izango dira eskuragarri, Batxilergoko ikasleek sarbideari buruzko zalantza guztiak argitzeko eta gure unibertsitateko publikoaren graduko eskaintza ezagutzeko. 

EHUazokan parte hartzeko nahikoa da izena ematea eta behin bertan, ikasleek bi pabiloi aurkituko dituzte. Lehenengoan, unibertsitatean sartzeko prozesuari, bekei eta tasei buruzko informazio zehatza aurkituko dute, baita UPV/EHUk bere ikasleei eskaintzen dien beste zerbitzu batzuei buruzkoa. Bigarren pabiloian UPV/EHUko 19 eskola eta fakultateetako standak daude, eta horietako bakoitzean, hainbat formatutan (liburuxkak, bideoak, webguneak, etab.) eskaintzen dituzten 103 graduei buruzko informazioa aurkituko dute. 

Stand horietan edozein unetan ikus daitekeen informazioaz gain, zuzeneko saioak ere antolatu dira EHUazokan. Horrela, asteazkenetan ikasleek Unibertsitateko ikastegietako irakasleekin txateatzeko aukera izango dute eta larunbatetan bai graduei zein sarbideari buruzko zuzeneko bideokonferentziak aurkituko dituzte. Saio guzti hauetako datak eta ordutegiak esteka honetan aurki daitezke.