2018tik ospatzen den EAEko (Euskal Autonomi Erkidegoko)Filosofia Olinpiadan DBHko gure bi ikasle saritu dituzte: 2024ko Euskadiko VI. Filosofia Olinpiadaren Marrazketa eta Argazki modalitatean hain zuzen ere. Aurtengo Sari Banaketa jaia, 2024ko martxoaren 15ean, ostirala, Eibarko Armeria Eskolako Aretoan ospatu zen. Euskal Herri osoko epaileak izan zirelarik: Gabi Daraspe (B.Etxepare Lizeoko irakaslea, “Azterketak euskaraz” mugimenduaren erreferenteetakoa), Mikel Aranburu (Iruñako filosofia irakaslea) eta Alba Garmendia (Utopiari buruzko tesiaren egile gipuzkoarra). 

Epaileek, modalitate bakoitzean (iruzkina, dilema morala, bideogintza, argazkilaritza eta marrazketa filosofikoa), EAEko ikastetxe ezberdinetako 10 finalisten lanetatik,3 saridun aukeratu zituzten eta  gure ikasleek aurtengo olinpiadetarako proposatutako gaia (Aisia) beren lanetan oso ongi islatzeaz gain, bertaratutako publiko guztiaren artean (ikastetxe ezberdinetako ikasleak, irakasleak, “Agora” Euskadiko Filosofia Elkarteko  kideak eta epaileak) egindakoa oso ongi azaldu eta defendatu zuten. ZORIONAK CLAUDIA PÉREZ-VILA (DBH2ko ikaslea: bere lan saritua Agorako webgunean, marrazketa atalean, ikus dezakezue) eta DENISA MUSTAFA (DBH4ko ikaslea, bere lan saritua Agora webgunean ere, argazkilaritza atalean ikus dezakezue).