Arraza Bazterketaren Aurkako Nazioarteko Eguna bihar, domeka, martxoak 21, izango da. Horregatik, Fair Saturday fundazioak liburu bat aurkeztu du, “Pentsatzeko ipuinen” hirugarren edizioko 30 ipuin irabazleak biltzen dituena.

Lehiaketa hau gazteei zuzentzen die fundazioak, Bilboko Udalarekin, Athletic Club Fundazioarekin eta Seguros Bilbao-rekin lankidetzan. Helburua da Bilbo eta Bizkaiko gazteen sormena sustatzea, haien izpiritu kritikoa hauspotzea gizartearen erronken aurrean, eta besteekiko enpatia soziala ereitea.

Aurtengoan, Bizkaiko 24 ikastetxe baino gehiagoko 8 eta 23 urte arteko 400 gaztetik gora aritu dira ekimen honetan, aurten arrazakeria hizpide duena. Euren kontakizunen bidez, arraza-bazterkeria salatzen dute, kontzientzia sortzen dute eta konponbideak proposatzen dituzte.

Liburuaren aurkezpena (estreinako aldiz bertsio digitalean) Bilboko Udaletxean egin da. Hauek egon dira bertan: Itziar Urtasun Lankidetza eta Bizikidetzako zinegotzia, Itxaso Erroteta Gazteria eta Kiroleko zinegotzia, Itziar Rubio Fair Saturday fundazioko operazioetako zuzendaria, José Manuel Ereño Seguros Bilbao-ko zuzendari komertziala, Galder Reguera Athletic Fundazioko proiektuko arduraduna, eta Idoia Herbas Minas BHIko zuzendaria (parte-hartze handiena izan duen ikastetxea), eta saritutako gazteak.

Gure zuzendaria aurkezpen honetara gonbidatua izan zen, aurreko ikasturtean gure ikasle askok parte hartu zitelako ekimen honetan eta horietako batzuk ere irabazleak izan zirelako