Eskola Hiztun Bila jardunaldietara joan zen urriaren 27an eta 28an. Aurtengo edizioak “Egindakotik ikasten, etorkizuna euskaraz ardazten” izenburua izan du eta 25. Edizioa izan da. Hori dela eta, nazioartean ezagunak diren Jim Cummins (Torontoko unibertsitatea) eta Joaquim Dolz (Genevako Unibertsitatea) hizkuntzalarien hitzaldietaz gozatzeko aukera izan zuen. Eta horiekin batera Kataluniako, Galiaziako eta Euskal Herriko beste zenbait adituren ekarpenak ere izan ziren.

Hemen atxikituta dituzue Guruzne Arregik ateratako ondorioak, ahozko hizkuntzaren irakaspenean eragin ditzaketen alderdiak azpimarratzen. Halaber, Joaquim Dolzen hitzaldiaren inguruko aurkezpena gaztelaniaz eta Euskaltzaleen Topaguneko presidentea den Kike Amonarrizen hitzaldiaren inguruko aurkezpena euskaraz topatuko dituzue.