DBH1eko ikasleek airearen kalitatea neurtzeko proiektu batean parte hartu dute Barakaldoko Udalarekin, Sagarrak talde ekologistarekin eta Trueba, Beurko eta Rontegi Eskola bezalako beste ikastetxe batzuekin elkarlanean.

Azterketa egiteko, ikasleek neurketa-hodiak erabili dituzte nitrogeno dioxidoaren mailak aztertzeko, hiri-inguruneetako airearen kutsatzaile nagusietako bat baita.

Bildutako datuetatik abiatuta, Barakaldoko hainbat eremutako kutsadura-mailak islatzen dituen mapa bat egin da. Informazio hori kontuan hartuko da udalerriko mugikortasun-planean, eta, horrela, airearen kalitatea eta herritarren osasuna hobetzeko erabakiak hartzen lagunduko da.

Proiektu horri esker, ikasleak ikerketa zientifikora hurbiltzeaz gain, trafikoak eta beste kutsadura-iturri batzuek beren ingurune hurbilean duten eraginaz jabetu dira.