Abenduaren 14an eta otsailaren 8an 4.DBHko ikasleak institutuko Agenda 30eko koordinatzaileekin batera Alonsotegin kokatuta dagoen Artigas zabortegia ezagutzera joan ginen. Beste gauza batzuen artean, instalazioak ikusi genituen, bertara heltzen den zaborrarekin zer egiten duten ikasi genuen eta garrantzitsuena , planetaren mantentzea  eta hobetzea helburu duten eta gure ohituretan barneratzea garrantzitsua izango liratekeen hiru hitz ezagutu genituen: GUTXITU, BERRERABILI eta BIRZIKLATU. 

Saio oso interesgarri, entretenigarri eta parte-hartzaileak izan ziren. Bisita konposta egiten duten ingurunean bukatu genuen prozesuaren pausuak ezagutuz. Bukaeran, ikasleek ziurrenik eguneroko lanean  ondo aprobetxatuko duten opari bitxia eman ziguten , birziklatutako boligrafo bat. Nabarmendu behar da ikasleak oso ondo portatu zirela. Espero dugu bisita horietan ikasitakoak guztiok hausnarketara bultzatu izana eta horrekin batera  kontsumo arduratsua eta jasangarritasuna gure bizitzetan barneratzea. Hala izan dadila!!!