Irakurzaletasunak irakurmena eta emaitza akademikoak hobetzeko duen eraginaz jabetuta, Hezkuntza Sailetik irakurzaletasuna modu egituratuan eta jarraituan piztuko duen zerbitzua jarri da abian, Elibrum plataforma. Gure kasuan, Bigarren Hezkuntzako 1. eta 2. mailako ikasleen artean irakurtzeko ohitura eta irakurzaletasuna sustatzeko erabiltzen ari gara proiektu hau.

Irakurketa sistematiko eta ludikoa txertatzea helburua izanik, eta PISA irizpideetatik abiatuta, ikasleengan irakurzaltasuna sortu, irakurmen-maila hobetu eta epe luzera euren emaitza akademikoetan ondu nahi da eta horretarako konpromiso batzuk hartu ditugu:

• Proiektuan inplikatutako irakasleek programan modu aktiboan parte hartuko dugu.
• Irakurketa ludikoa eskola-ordutegian ezarri da astero finkatutako denbora-tartean (15min/eguneko).
• ELIBRUM plataforma (gaztelaniazko, euskarazko eta ingelesezko 400 liburu baino gehiago dohainik) eskola-orduetatik kanpo ere erabiltzea. Ikasle bakoitzak adostutako liburu kopuru bat irakurri beharko du (bildumatik aukeratuko dituena) eta dagozkion galdetegi digitalak egin beharko ditu. Zeregin horiek familiak gainbegiratuta egingo dira, eta irakurmena areagotzea dute helburu.
• Hiruhileko bakoitzean, Elibrum erabiltzeagatik sortzen den txosten bat bidaliko da familiei.
• Institutuko liburutegia dinamizatzea. Patioko orduetan egongo da zabalik, irakurketa berriak aukeratu ahal izateko eta irakurketa-idazketarekin lotutako tailerrak egiteko.

IRAKURMEN MAILA HOBETU → EMAITZA AKADEMIKOAK ONDU