Euskaraldia ariketa sozial garrantzitsua da gure hizkuntza ohiturak aldatzeko, eta euskara gehiagotan eta jende gehiagorekin erabiltzeko. Oihartzun handia izan du Euskal Herrian zehar eta herrietako kultur eskaintza euskarazko ekintza kulturalez beteta daude azkenaldian. Minas Institutuan ere Euskaraldiarekin bat egin nahi izan dugu eta hainbat ekintzatan parte hartu dugu.

Alde batetik, euskara taldeko ikasleekin Euskaraldiaren inguruan eztabaida sakonak izan ditugu, Multitask gela Euskaraldiko logoarekin apaindu dugu eta Barakaldoko Euskaraldiko bideoklipean parte hartu dute. Bestetik, irakasleok argazki bat egin dugu, Euskaraldiari atxikimendua adierazteko. Azkenik, Hizkuntzaren Normalkuntza Batzordeko hainbat irakaslek bideotxoa grabatu du, Euskaraldian zergatik parte hartu dugun azaltzen: Minaseko zuzendariordea eta Hizkuntzaren Normalkuntzako arduraduna den Guruzne Arregi, Filosofia mintegiburua eta Hezkidetzako arduraduna den Garazi Pascual eta matematikako irakaslea den Juan Ignacio Goikoa “Goiko”.