BHI Minas BHIren helburua, bere orientazio-sailaren bidez, ikasleak beren prestakuntza akademikotik haratago kontuan hartzea da, eta pertsona gisa garatzen laguntzea, etengabeko prozesu baten bidez, nortasun osasuntsua eta kritikoa gara dezaten, bai eta egungo bizitzako erronkei aurre egiteko behar adina trebetasun garatzen laguntzea ere.

Horretarako, irakasle-talde osoaren ahalegina izango du, haiek bait dira ikasleen eta orientatzailearen arteko eragile bideratzaileak, ikasleek “ikasten ikasteko”, “ekiten ikasteko” eta “izaten ikasteko” gaitasuna gara dezaten, eta, beraz, orientatzaile gisa jardun dezaten.

Asteko bilerek (orientatzaile-tutoreen arteko bilerek) ezagutza eta esanahi komuna kolektiboki eraikitzeko aukera ematen digute, eztabaida eta solasaldi dialogikoen bidez, gure irakaskuntza-jardunari dagokionez eta giro lasaian, non ikasgeletan eguneroko errealitate desberdinak konpontzen diren.

Bestalde, tutoretza pertsonalizatuaren aldeko apustu sendoa egin dugu; izan ere, gero eta ikasle gehiagok adierazten dute ikasteko zailtasunak dituztela, ikasgelan jokabide-arazoak dituztela, arlo pertsonalarekin eta hezkuntzarekin lotutako erabakiak hartzeko orientazioa behar dutela, ikasteko ohiturarik ez dutela, familia- edo gizarte-arazoak dituztela, eta, ondorioz, beren hezkuntza-garapena normaltasunez egitea eragozten dietela, hori guztia dela eta, beste arreta bat behar dute.

Gainera, zentroko programekin elkarlanean aritzen da eta haiekin koordinatzen du: hauspoa, arratsaldeko tutoretza, Aizu…