Urtero bezala Institutuko Euskara Mintegiak Minaespress Bideolaburren Lehiaketa antolatu du. V. edizio honetako gaia Barakaldoko pertsona euskaldun bati elkarrizketa izan da. Izan ere, ariketa honen bidez ikasleei ikusarazi nahi genien Barakaldon haiek uste baino jende gehiagok hitz egiten duela euskaraz. Eta gure ikasleek ederto bete dute haien lana; Barakaldon zehar ibili dira elkarrizketak egiten eta jende askorengana jo dute: eskoletako zein Minas Institutuko irakasleak, AEK-ko irakasleak, futbol jokalariak, udaleko zinegotzi bat, Korrikako arduraduna, San Bizenteko jaietako antolatzaileetako bat… Lan bikaina egin dute gure erreportari berriek! Eta eskerrik asko elkarrizketatutako lagun guztiei.

 

Eta lehiaketa honetako irabazleak hauek izan dira:

– 1. eta 2. DBH atalean: Rofida Remadedine gure ikasle ohiari egindako elkarrizeta (Housam Remadedine)

– 3. eta 4. DBH atalean: Iñaki Martinez institutuko lengua eta latineko irakasleari elkarrizketa (Lucía Vilela, Noa Albarrán, Lidia Nikolaidis eta Gabriela Martínez)

– 1. eta 2. Batxilergoa atalean: AEK-ko irakasleei egindako elkarrizketa (Denisa Ciocoiu, Isioma Chiedu, Nahia Díez eta Ainhize Heinemann)

– Publikoaren saria atalean: Carlos Fernández futbol jokalariari elkarrizketa (Fabrizio Gamarra)

 

Irabazleek herriko liburudenda batean gastatzeko txekea jasoko dute. ZORIONAK!