Gure ikastetxeko DBH 1eko ikasleak maiatzean hasiko dira Ezagutu Barakaldo hezkuntza-programan parte hartzen. Ikasturte guztietan  parte hartzen dugu programa honetan. Programa 1999an sortu zen, Barakaldoko historia eta ondare kultural eta historikoa berreskuratu eta ezagutarazteko asmoz.

Programa honen aberastasuna zubi-jarduerak ezartzean oinarritzen da, interdiziplinariotasunarekin lotutako gaitasun orokorrak zein espezifikoak (euskara, historia) garatzeko helburuarekin.

Ondorio nagusi gisa, nabarmendu behar da programaren barruan konpetentziak elkarri lotzeko koordinazioa esku-hartze eremu oso egokia dela ikasleei konpetentzien arloko prestakuntza integrala emateko, haiek oso positiboki baloratzen baitituzte horrelako jarduerak.

Hainbat tailer eta ibilbideren bidez, gure ikasleek, adituen eskutik eta beren tutore akademikoekin batera, beren ondare historikoa eta ingurumenekoa ezagutuko dute.
Errontegi menditik Pobaleko burdinolaraino, Gorostizako Monto baserritik, errekatxotik eta udaletxetik, Zirkodromotik eta abarretatik, ikasleek historia eta bizi diren ingurunea hobeto ezagutzeko aukera izango dute.